МТМ НЕТ

Со закројување на винова лоза во дворот на црквата „Свети Трифун“ во Ајватовци, Општина Илинден традиционално го одбележа празникот посветен на заштитникот на лозарите - Св. Трифун.

Во првите 100 дена од својот нов мандат, градоначалникот на Општина Илинден, покажа дека довербата на граѓаните се претвора во конкретни дела за континуиран развој и подобрување на квалитетот на животот.

Градоначалникот на Општина Илинден, Александар Георгиевски, и компанијата „Панекс експо“ ДООЕЛ повторно ставија потпис на меморандум за соработка, со што официјално се најавува одржувањето на „Експо Илинден 2026“.

Општина Илинден продолжува со активни вложувања во унапредување на воспитно-образовниот процес, реализирајќи нови инвестиции во ООУ „Ристо Крле“ во населените места Бунарџик и Кадино. Со овие активности, локалната самоуправа уште еднаш ја потврдува својата заложба за подобрување на условите за учење и развој на учениците во сите делови на општината.

Општина Илинден, која се вбројува меѓу најбрзорастечките општини во регионот, продолжува со активности насочени кон унапредување на бизнис-климата и поддршка на претприемништвото, паралелно со развојот на локалните економски зони и растот на деловниот сектор.

Општина Илинден, како општина со континуиран демографски раст и зголемен наталитет, воведува нова мерка насочена кон поддршка на семејствата и унапредување на образовниот процес. За првпат се обезбедува финансиска поддршка за сите ученици кои ќе се запишат во прво одделение.

По повод големиот христијански празник Богојавление – Водици, во населеното место Илинден традиционално се одржа осветувањето и положувањето на светиот крст во водите на езерото кај хотел „Белви“. Настанот се реализираше во организација на црквата „Св. Константин и Елена“, а под покровителство на Општина Илинден, со присуство на голем број верници.

Општина Илинден и црквата „Св. Константин и Елена“ ги покануваат верниците и граѓаните на традиционалната манифестација по повод големиот христијански празник Богојавление – Водици. Централниот настан, чинот на положување на светиот крст, ќе се одржи во понеделник, на 19 јануари, со почеток во 12:00 часот во водите на езерото во хотелот „Белви“.

Како една од општините со најдинамичен развој и континуиран пораст на бројот на жители во регионот, Општина Илинден продолжува со спроведување на активни мерки насочени кон поддршка на младите семејства. Во фокусот на овие заложби е унапредувањето на проектот за субвенционирање на новороденчињата, мерка која првпат беше воведена во 2022 година и оттогаш се реализира во континуитет. Досегашното искуство покажува дека во изминатите четири години ова право го оствариле околу 470 граѓани, кои добиваа еднократна помош во износ од 5.000 денари, што претставуваше значаен придонес во првите денови по зголемувањето на нивните семејства.

Традиционалната песна на коледарите утрово го најави Христовото раѓање низ Илинден, каде најмладите жители на општината ги оживеаја православните обичаи во пресрет на големиот празник Бадник.

Плоштадот во населеното место Марино изминатиов викенд се трансформираше во вистинска празнична бајка, привлекувајќи огромен број граѓани на манифестацијата „Патека на радоста“. Овој настан, реализиран преку соработка на општествено одговорни компании и под покровителство на Општина Илинден, понуди богата содржина што внесе ведрина и заедништво во секојдневието на жителите. Најмладите беа во центарот на вниманието, уживајќи во разновидни детски анимации, театарски претстави и магионичарски трикови, додека кулминацијата на детската радост беше пристигнувањето на Дедо Мраз, кој беше пречекан со воодушевување.

Во пресрет на новогодишните празници, Општина Илинден реализираше серија хуманитарни и образовни активности насочени кон поддршка на младите и на ранливите категории граѓани. Градоначалникот Александар Георгиевски додели смарт таблети за ученици од трите основни општински училишта, со цел да се обезбедат еднакви услови за секое дете и да се овозможи непречено следење на модерната настава. Георгиевски истакна дека вложувањето во технолошкото опремување на учениците е дел од стратешкиот приоритет на локалната самоуправа за градење инклузивен и современ образовен систем, каде материјалните можности не смеат да бидат пречка за стекнување знаење.

Од 26 до 28 декември, на новоизградениот парк-плоштад во населеното место Марино, ќе се одржи Новогодишниот базар „Патека на радоста“, организиран од Општина Илинден во соработка со општествено одговорни компании. Овој тридневен настан нуди разновидна програма, започнувајќи од празнични содржини за најмладите, како средби со Дедо Мраз, театарски претстави и магионичарски шоуа, па сè до музички настапи на најпопуларните имиња од македонската сцена.

Општина Илинден успешно ја заокружи обемната еколошка акција „Зелена Општина Илинден“, во која беа засадени повеќе од 600 нови садници на повеќе стратешки локации низ општината. Активноста, насочена кон подобрување на квалитетот на воздухот и унапредување на животната средина, опфати зазеленување долж пешачките и велосипедските патеки, во дворовите на училиштата и градинките, како и ревитализација на подрачјето во населеното место Мршевци, кое претрпе штети од пожарите во текот на летото.

Општина Илинден ги привршува градежните активности на два значајни инфраструктурни објекти наменети за подобрување на условите во образованието и спортот. Проектот за новиот паркинг простор во рамките на Средното општинско стручно училиште „Илинден“ е во финална фаза, со што се обезбедува површина од 550 квадратни метри. Овој паркинг со капацитет од 30 возила е клучен за воведување сообраќаен ред во непосредната околина на училиштето и обезбедување подобри услови за вработените и посетителите.

Градоначалникот на општина Илинден, Александар Георгиевски, ја одржа четвртата редовна седница на Локалниот совет за превенција, каде заедно со претставници од МВР и други релевантни институции ја разгледаа безбедносната состојба во општината. На состанокот беше презентиран статистичкиот извештај за 2025 година, кој послужи како основа за евалуација на досегашните активности и планирање на идните чекори за заштита на граѓаните.

Градоначалникот на Општина Илинден, Александар Георгиевски, денеска изврши увид во финалните градежни работи на новата централна кујна во градинката „Гоце Делчев“, проект кој е во завршна фаза и наскоро ќе започне со работа. Овој модерен објект се простира на површина од 300 м² и е функционално поделен на две нивоа: долниот кат е наменет за кујнскиот блок со капацитет за подготовка на над 600 оброци дневно, додека горниот дел ќе служи како магацински простор. Новата кујна е стратешки планирана да ги опслужува не само децата во градинката, туку и учениците во основните училишта кои користат продолжен престој.

Општина Илинден продолжува со спроведување на својата долгорочна стратегија за заштита од поплави преку интензивно машинско чистење на речните корита и одводните канали. Во фокусот на тековните активности е речното корито на Сува Река, на потегот од населеното место Миладиновци кон Текија и Дељадровци, каде досега успешно е исчистена делница во должина од 2.500 метри.