МТМ НЕТ

Градоначалникот на Општина Илинден, Александар Георгиевски, изврши увид во новореализираните инвестиции во ООУ „Браќа Миладиновци“, со кои од новата учебна година продолжениот дневен престој е овозможен во сите основни училишта на територијата на општината.

Во рамките на зафатите целосно се реновирани три училници и е опремена специјализирана просторија за продолжен престој, со што се заокружува целта за обезбедување современа, функционална и пријатна средина за учење за сите ученици.

Дополнително, во централното училиште започна партерно уредување на дворот со бекатон-плочки и поставување на нов летниковец, а слични активности за подобрување на функционалноста и безбедноста се реализирани и во подрачното училиште ПООУ „Браќа Миладиновци“ во селото Текија.

Георгиевски нагласи дека локалната самоуправа продолжува со континуирани инвестиции во образовниот сектор за создавање уште подобри услови за развој на најмладите. 

Фото извор: https://www.facebook.com/profile.php?id=100063857081671