МТМ НЕТ

Македонскиот игран филм „17“, долгометражното деби на режисерката Косара Митиќ, ќе ја доживее својата Светска премиера во рамките на 76. издание на еден од најпрестижните филмски фестивали во светот - Меѓународниот Филмски Фестивал во Берлин. Проекцијата ќе се одржи вечерва, 18.02.2026 година во Берлин, во Киното “Блумакс“ (Bluemax Theater) со почеток во 19:00 часот.

Манифестацијата „Глумците пеат“ на 24 и 25 март во Македонскиот народен театар повторно ќе го одбележи Светскиот ден на театарот.

Утре, во киното Синеплекс во 20 часот, ќе се одржи премиерата на долгометражниот игран филм „СОУЧЕСНИЦИ“, по сценарио на Огњен Обрадовиќ, а во режија на Марко Новаковиќ. Филмот е копродукција помеѓу Зилион Филм (Србија), Партизанс (Македонија) и Интер Филм (Хрватска).  

Третата матурска забава „Night to Shine” за лица со попречености во организација на скопската евангелска црква Соулкрафт, синоќа обедини над 250 поединци на едно место, на вистински свечен настан кој испрати порака дека секој човек заслужува да биде виден, прославен и прифатен.

Кинотеката продолжува со својата редовна филмска програма, нудејќи им на љубителите на седмата уметност нови проекции во текот на претстојниот викенд.

По успешниот почеток на февруарската концертна серија, Институтот FAME’S на 17 февруари ќе ја одржи втората концертна вечер во Камерната сала на Македонска филхармонија. Проектот „Пронаоѓање на ритамот“ претставува завршница на интензивна едукативна програма во која учествуваат 30 селектирани млади музичари од повеќе европски земји, насочена кон истражување на ритамот како суштински елемент на музичката комуникација.

Продукцијата и дистрибуцијата „Кино Балкан“ започна со поинтензивна дистрибуција на македонски филмови, како и на остварувања од регионот, со цел домашната публика повторно да се поврзе со локалната кинематографија.

Во изминатиов период "Кино Балкан" активно го дистрибуира филмот "Приказна за Силјан" на режисерката Тамара Котевска. Филмот имаше проекции во повеќе од 15 градови во Македонија и руши рекорди, како по број на гледачи така и по број на локации каде е прикажан.

На 20 февруари со почеток во 19:30 часот, на големата сцена на Македонската опера и балет ќе биде изведена една од најпознатите опери на Џузепе Верди – „Травијата“, дело што со децении ја освојува публиката ширум светот.

Македонска филхармонија в четврток со почеток во 20 часот ќе го одржи традиционалниот концерт по повод Денот на вљубените и виното, насловен „Бакнеж во Париз“ на кој ќе биде изведена француска музика. Како солисти ќе настапат Фелисиен Брут, хармоника и Ексел Сан Сирел, мецосопран од Франција, а диригент е Тимоти Редмонд. 

Фестивалот на креативен документарен филм „МакеДокс“ во рамките на програмата „Зимски МакеДокс“ организира проекција на документарниот филм „Тата“ на Лина Вдови и Раду Чорнициу. Проекцијата ќе се одржи на 11 февруари, во 20 часот, во киното „Фросина“ во Младинскиот културен центар во Скопје, а влезот е слободен. По прикажувањето ќе следи дискусија со режисерите и експерти за темата.

ИФФК „Браќа Манаки“, првиот и најстар фестивал во светот посветен на креативноста на кинематограферите, го најавува своето 47. издание, кое ќе се одржи во Битолa, од 19 до 25 септември 2026 година. Подгответе се за многу незаборавни дружења со реномираните светски кинематографери и разговори за визуелните деликатеси на седмата уметност.

Во Europe House во Скопје, на 9 февруари 2026 година, ќе се одржи официјалната промоција на проектот ELeVATE – Women in Net-Zero Technologies, посветен на унапредување на улогата на жените во развојот и примената на паметна електрична енергија за објекти и одржливи Net-Zero решенија.

Во рамките на фестивалот „Денови на литературата“ во организација на „Арс Ламина“, оваа сабота, 7 февруари, во книжарницата „Литература“ во „Дајмонд мол“ ќе се одржи промоција на детската книга „Златната книга на Лудви“ од авторката Тина Иванова. Настанот започнува во 18 часот, а илустрациите во книгата се дело на Рената Јосифовска.

Февруарската концертна серија на Институтот FAME’S ќе започне на 10 февруари во Камерната сала на Македонската филхармонија со концертот „Од студио до сцена“, под уметничко водство на виолинистот Даниел Роуланд. Настанот претставува завршница на истоимената едукативна програма во која учествуваат 30 млади музичари од различни европски земји.

Во Културно-информативниот центар во Скопје вечерва ќе биде отворена изложбата на фотографии „Јадрански минијатури“ на хрватскиот уметник Тончи Станчиќ. Презентацијата започнува во 18:30 часот и ќе понуди уникатен поглед на светлината и деталите од јадранскиот пејзаж, претставени низ личната визуелна интерпретација на авторот.

Овој четврток со почеток во 20 часот, оркестарот на Македонската филхармонија ќе одржи концерт насловен „Ѕвездено арпежо“, на кој како солистка ќе настапи истакнатата белгиска харфистка Анлин Ленартс, актуелна прва харфа на Виенската филхармонија. Концертот ќе биде под диригентска палка на холандскиот маестро Конрад ван Алфен.

„Срам и пари“ (Shame and Money) во режија на Висар Морина, ја освои големата награда на жирито (World Cinema Grand Jury Prize: Dramatic) на овогодинешното издание на филмскиот фестивал „Санденс“.