МТМ НЕТ

Општина Илинден започна со изградба на препумпен уред за фекална канализација во населеното место Кадино, како дел од активностите за унапредување на комуналната инфраструктура.

Проектот е дел од пошироката реализација на канализациската мрежа во Кадино. Препумпниот уред ќе биде поврзан со веќе изградениот крак К4, кој е долг околу 2,5 километри и располага со 50 шахти, овозможувајќи приклучување на околу 100 домаќинства.

Со новата инфраструктура ќе бидат опфатени улиците „1“, „2“ и „3“. Отпадните води преку веќе поставениот потисен цевковод ќе се транспортираат до постојната пречистителна станица во Кадино, каде ќе се врши нивниот третман и прочистување.

Градоначалникот на Општина Илинден, Александар Георгиевски, изврши увид во текот на градежните работи и истакна дека инвестициите во канализациската инфраструктура се значајни за подобрување на условите за живот на граѓаните, но и за поголема заштита на животната средина преку современ систем за управување со отпадните води.

Од Општина Илинден најавуваат дека и во наредниот период ќе продолжат со реализација на проекти за изградба, реконструкција и проширување на канализациската мрежа во сите населени места.