МТМ НЕТ

На Зимските олимписки игри „Милано-Кортина 2026“, Јана Атанасовска не успеа да ја совлада патеката ниту во денешниот слалом.

По неколкунеделно отсуство поради проблем со адукторот, Рафиња се враќа во составот на Барселона. Тренерот Ханси Флик потврди дека бразилскиот офанзивец е повторно на располагање за претстојниот натпревар во Ла Лига.

По пауза од околу два месеци поради повреда, бразилската ѕвезда повторно истрча на теренот и го одигра својот прв натпревар во 2026 година. Тој настапи за Сантос во убедливата победа од 6:0 против Вело Клуб во рамките на Кампеонато Паулиста.

Дарио Ивановски постигна трет најдобар резултат во неговата спортска кариера и ја мина целта со време од 2:12:23 часа на меѓународниот маратон во Севиља, Шпанија.

Јана Атанасовска без пласман во велеслалом на ЗОИ Милано Кортина 2026.

Македонскиот алпски скијач, Виктор Петков го заврши својот прв олимписки настап на Зимските олимписки игри Милано Кортина 2026.

Нотингем Форест постигна договор со Витор Переира да стане нов тренер, по отпуштањето на Шон Дајч по ремито 0:0 против Вулверхемптон. Переира ќе биде четврти менаџер на клубот сезонава, со цел да помогне тимот да се извлече од зоната на испаѓање.

Играчот за врска на Реал Мадрид, Џуд Белингам, веројатно ќе го одложи својот повраток на теренот поради повреда на задниот бутен мускул (хамстринг), објавуваат шпанските медиуми. Повредата се случи во мечот против Рајо Ваљекано, а првичните процени предвидуваа отсуство од околу еден месец. Сепак, новите информации покажуваат дека ќе му биде потребно повеќе време за целосно закрепнување, па враќањето може да се пролонгира до април 2026 година.

По убедливиот пораз од Атлетико Мадрид со 4:0 во првиот натпревар од полуфиналето на Копа дел Реј, тренерот на Барселона, Ханси Флик, на прес-конференцијата по натпреварот изрази силно незадоволство од судиските одлуки, кои според него влијаеле на текот на играта. Особено беше критичен кон одлуката да се поништи голот на Пау Кубарси по долга ВАР проверка, оценувајќи ја како „катастрофална“ и со недоволно јасни објаснувања.

Францускиот дефанзивец Дајот Упамекано официјално го продолжи својот договор со Баерн Минхен, кој сега ќе трае до 30 јуни 2030 година. Со ова продолжување, клубот го обезбеди еден од своите клучни играчи во одбраната, со оглед на тоа дека неговиот претходен договор требаше да истече ова лето.

Барселона беше поразена со 4-0 од Атлетико Мадрид во првиот натпревар од полуфиналето на Копа дел Реј, откако тимот на Диего Симеоне целосно ја искористи катастрофалната игра на „блауграна“. Тактиката со висока одбрана на Ханси Флик постојано беше надигрувана, а навивачите на „Метрополитано“ не можеа да веруваат што гледаат.

Еден од најдобрите фудбалери на Манчестер Сити, Родри, беше официјално обвинет за недолично однесување од страна на Фудбалската асоцијација (ФА) поради неговите изјави за судиите по ремито 2:2 со Тотенхем Хотспур на почетокот на февруари 2026 година. ФА истакнува дека неговите коментари ја кршат правилната професионална етика, бидејќи се толкуваат како доведување во прашање на непристрасноста и интегритетот на судиските одлуки.

Игор Тудор постигна усмен договор да стане привремен тренер на Тотенхем Хотспур до крајот на сезоната, откако тимот го отпушти тренерот Томас Франк по серијата слаби резултати во Премиер лигата. Тотенхем се наоѓа на 16. место, само пет бода над зоната за испаѓање, и раководството сака стабилност на клупата додека трае битката за опстанок.

Суперѕвездата на Лејкерс, Леброн Џејмс, повторно влезе во историјата на НБА. Во натпреварот против Далас Маверикс, кој Лос Анџелес го доби со 124:104, Џејмс оствари трипл-дабл со 28 поени, 12 асистенции и 10 скока, станувајќи најстариот играч во историјата на лигата што успеал во такво достигнување. Со ова, тој го надмина рекордот на Карл Мејн, кој го постави на 40 години и 127 дена.

На Зимските олимписки игри Милано‑Кортина 2026, финалото во ледено танцување донесе драматичен исход. Францускиот пар Laurence Fournier Beaudry и Guillaume Cizeron ја освоија златната медалја со минимална предност од 1,43 поени пред американското дуо Madison Chock и Evan Bates, што веднаш предизвика бурни реакции во спортската јавност. Нивната тесна победа отвори прашања за работата на дел од судиите, бидејќи една од оценките ја фаворизираше француската двојка, додека повеќето други судии го поддржаа американскиот пар како можен победник.

Претседателот на Македонскиот олимписки комитет, Даниел Димевски, заедно со генералниот секретар, Ѓорги Тасев, остварија продуктивна работна средба со Јоана Зипсер-Грејвс, помошник директор на Олимписката солидарност, информираат од МОК.

На олимписката патека во рамките на Тесеро крос-кантри Олимпискиот стадион, нашиот најдобар нордиец Ставре Јада го освои 83-то место (од 113 пријавени спортисти на стартот на трката) со заостанување од 4:52,7 минути зад новиот олимписки шампион, Ј. Х. Клебо од Норвешка.

Македонија ги доби противниците за новото издание од Лига нации на УЕФА.