МТМ НЕТ

Градоначалникот на Општина Илинден, Александар Георгиевски, информираше за успешната завршница на капитален инфраструктурен проект со кој се реализира сообраќајното поврзување меѓу населените места Марино и Јака.

Проектот, кој беше реализиран со значајна финансиска поддршка од Владата и претседателот на Владата Христијан Мицкоски, овозможи изградба на нова, современа и функционална сообраќајна артерија во овој дел од општината.

Новиот инфраструктурен зафат опфаќа изградба на нов мост со широчина од 6 метри, опремен со тротоари од двете страни и заштитна ограда за зголемена безбедност на учесниците во сообраќајот, како и нова улица „500“ во должина од 260 метри со соодветни тротоари и нов систем за одведување фекални отпадни води, при што во наредниот период се очекува и поставување на ново улично осветлување.

Со надоврзувањето на претходно реализираните улици „119“ и „111“, населбата Јака доби нов влез, излез и директна врска со Марино и централниот дел на општината. 

Фото извор: https://www.facebook.com/profile.php?id=100063857081671