МТМ НЕТ

Општина Илинден објави јавен повик за доделување еднократна финансиска поддршка за спортисти кои се жители на општината, продолжувајќи ја оваа мерка четврта година по ред.

Како што информира градоначалникот Александар Георгиевски, целта е да се оддаде признание на спортистите кои постигнале значајни резултати на домашни и меѓународни натпреварувања, но и да се поттикнат нови спортски успеси.

Право на учество имаат спортисти од Општина Илинден кои настапиле на Олимписки игри, светски, европски, балкански и национални првенства, без ограничување на возраста, а ќе се земаат предвид резултатите остварени во тековната и претходните три години.

Финансиската поддршка е распределена во пет категории, при што највисокиот износ достигнува 150.000 денари, а најнискиот 40.000 денари, во зависност од постигнатите спортски резултати.

Јавниот повик ќе биде отворен до 15 септември 2026 година.

Заинтересираните спортисти своите барања можат да ги достават во предвидениот рок, а дополнителни информации се достапни во просториите на Општина Илинден и на нејзината официјална интернет-страница.

Фото извор: https://www.facebook.com/profile.php?id=100063857081671