МТМ НЕТ

Општина Илинден продолжува со обновата на домовите на културата, а во тек се градежни работи на објектот во населеното место Кадино, со цел подобрување на условите за организирање културни, општествени и јавни настани.

Проектот опфаќа повеќе зафати, меѓу кои реконструкција на фасадата, молерисување на внатрешните простории, поставување нови ПВЦ врати и прозорци, како и санација на електричната инсталација.

Предвидена е и замена на вертикалните олуци, чистење на постојните хоризонтални олуци, поставување нов лим за симс, изработка на нова ограда и поставување плочки на надворешните скали.

При увидот на градежните активности, градоначалникот на Општина Илинден, Александар Георгиевски, изјави дека со реконструкцијата Домот на култура ќе добие помодерен и пофункционален изглед, ќе се подобри енергетската ефикасност и безбедноста на објектот, а граѓаните ќе добијат поквалитетен простор за реализација на различни активности.

Од Општина Илинден посочуваат дека инвестициите во реконструкција и модернизација на јавните објекти продолжуваат и во наредниот период, со цел унапредување на условите за културниот и општествениот живот во сите населени места.