МТМ НЕТ

Општина Центар продолжува со реализација на проектот „Сервис за стари лица – Центар се грижи за возрасните“, преку кој обезбедува директна и континуирана поддршка за своите повозрасни сограѓани во нивните домови.

Општина Центар воведува финансиска поддршка за младите жители преку доделување субвенции за обука и полагање возачки испит Б-категорија во автошколи регистрирани на територијата на општината.

Општина Центар објави јавен конкурс за финансиска поддршка на проекти од сите области на културата за 2026 година, со цел дополнително унапредување и збогатување на културниот живот во општината.

Градоначалникот на Општина Центар, Горан Герасимовски, денеска присуствуваше на одбележувањето на 72 години од постоењето на Здружението на пензионери на Општина Центар, кое се одржа во просториите на здружението. Настанот беше искористен за да се истакне долгогодишната соработка меѓу локалната самоуправа и пензионерската заедница.

Градоначалникот на Општина Центар, Горан Герасимовски, информираше дека е објавен јавен повик за финансиска поддршка на здруженија и фондации кои делуваат на територијата на општината, за реализација на проекти и активности во текот на 2026 година.

Општина Центар од раните утрински часови е целосно ангажирана во расчистување на снегот по снежните врнежи. Надлежните служби интервенираат на повеќе локации, при што досега на коловозите се фрлени 15 тони сол, со фокус на најкритичните сообраќајни точки.

Во Општина Центар денеска се одржа средба со центарецот Дарко Митровиќ, кој на празникот Богојавление – Водици го извади светиот крст од водите на реката Вардар. Настанот помина во топла и свечена атмосфера, во духот на празникот и заедничките христијански вредности.

Градоначалникот Горан Герасимовски најави значително зголемување на социјалниот пакет за жителите на Општина Центар. Еднократната парична помош за секое новороденче се зголемува од 7.000 на 10.000 денари, како дел од континуираните заложби за поддршка на младите семејства во општината.

Со низа почести и полагање свежо цвеќе, денеска во Скопје беше одбележана 84-годишнината од прераното загинување на Роберт Гајдик Славко, истакнат борец и партизан во Народноослободителната борба. На чествувањето присуствуваа амбасадорот на Чешката Република, Јарослав Лудва, заедно со военото аташе, како и претставници на Општина Центар, Сојузот на борци и Здружението на пензионери, кои му оддадоа почит на овој интернационален симбол на борбата за слобода.

Градоначалникот на Општина Центар, Горан Герасимовски, најави нов пакет мерки за поддршка на учениците, со кои стипендиите за талентирани ученици и спортисти се зголемуваат за 1.000 денари. Посебен акцент е ставен на социјалната инклузија, па така стипендиите за децата кои доаѓаат од семејства во социјален ризик ќе бидат зголемени за 1.500 денари. Со ова, локалната самоуправа има за цел да создаде еднакви можности за напредок на секое дете.

Градоначалникот Горан Герасимовски на средба со претставниците на Здружението на пензионери на Општина Центар ги презентираше клучните проекти и активности за претстојната година, насочени кон подобрување на квалитетот на животот на највозрасните граѓани. За оваа намена, во општинскиот Буџет за 2026 година се издвоени 15 милиони денари, со што локалната самоуправа ја потврдува својата заложба за континуирана грижа и активна социјализација на жителите од третото доба.

Градоначалникот на Општина Центар, Горан Герасимовски, на традиционалната прослава пред Соборниот храм „Свети Климент Охридски“ упати порака за единство, хуманост и меѓусебна поддршка по повод големиот празник Бадник.

Жителите и посетителите на Општина Центар ќе можат бесплатно да ги користат услугите на јавните паркиралишта за време на претстојните празнични денови. Јавното претпријатие „Паркинзи на Општина Центар“ соопшти дека на први јануари сите паркиралишта со кои тие стопанисуваат ќе бидат слободни за користење без никаков надомест. Редовниот режим на наплата и административната работа на Дирекцијата ќе се вратат во нормала веќе следниот ден, на втори јануари, по вообичаеното работно време.

Скопската населба Дебар Маало синоќа беше центарот на празничната веселост, каде под отворено небо и во рамките на манифестацијата „Вечер под ѕвездите“, Општина Центар на свечен начин ја испрати 2025 година. Преполната Боемска улица сведочеше за една поинаква предновогодишна приказна, исполнета со насмевки и сплотеност меѓу граѓаните кои пркосеа на студеното време. Програмата започна со динамичен спој на вештините на акробатите и жонглерите, кои во придружба на диско ритмите на ди-џеј Александар Јорданов, приредија визуелно шоу што веднаш ја загреа атмосферата.

Општина Центар ја започна својата голема целодневна предновогодишна манифестација, претворајќи ја култната Боемска улица во епицентар на празничната радост и забава. Програмата започна во утринските часови со содржини посветени на најмладите, кои имаа можност да уживаат во настапите на детските хорови, препознатливите гласови на „Златните славејчиња“ и возбудливи магични претстави. Специјалниот гостин, Дедо Мраз, на децата им подели новогодишни пакетчиња, додека градоначалникот Горан Герасимовски во своето обраќање им посака претстојната 2026 година да им донесе многу здравје, игра и безгрижни насмевки. Истакнувајќи дека овие моменти се најзначајни токму за децата, тој нагласи дека Центар секогаш се стреми да создаде атмосфера која ги обединува сите генерации.

Пјацетата пред Италијанската амбасада синоќа беше исполнета до последното место, станувајќи центар на празничното расположение во рамките на манифестацијата „Џез под ламба“. Во автентичен амбиент збогатен со мирисот на печени костени и греано вино, бројни граѓани уживаа во настапот на бендот на Мартина Елиора, кој ја воодушеви публиката со џез интерпретации на безвременските божиќни песни и македонските шлагери. Настанот, во организација на Општина Центар, уште еднаш ја потврди својата улога како една од најомилените културни содржини што го враќаат стариот дух на Скопје и создаваат простор за дружба меѓу сите генерации.

Општина Центар утре, на 29 декември, ќе биде епицентар на празничната радост со организирање на големиот настан „Вечер под ѕвездите“, кој ќе се одржи на добро познатата локација на Боемска 1 во Дебар Маало. Градоначалникот Горан Герасимовски упати отворена покана до сите граѓани, ветувајќи незаборавно расположение и содржини кои ќе ги задоволат вкусовите на сите генерации, потенцирајќи дека најдобрата забава секогаш се случува токму во срцето на Скопје. Програмата е конципирана да трае во текот на целиот ден, почнувајќи од утринските часови со посебен фокус на најмладите, па сè до доцните вечерни часови со енергични музички настапи.

Советот на Општина Центар на својата последна седница едногласно го усвои Буџетот за 2026 година, кој изнесува рекордни 1.217.450.000 денари. Од оваа сума, дури 43 проценти се наменети за капитални инвестиции, со што 2026 година се најавува како година на голем инфраструктурен и социјален развој. Како клучни проекти во програмата на градоначалникот Горан Герасимовски се издвојуваат изградбата на првиот современ дом за стари лица, нова детска градинка кај Клиничкиот центар, како и изградбата на нова катна гаража во Буњаковец и административна зграда со голем паркинг простор.