МТМ НЕТ

Градоначалникот на Општина Центар, Горан Герасимовски, информираше дека започнало целосното отстранување и заменување на стариот потпорен ѕид во градинката „Кочо Рацин“, кој бил стар 25 години, со нов и безбеден потпорен систем.

Паралелно со овој зафат, локалната самоуправа реализира и низа други капитални проекти во образовниот сектор, меѓу кои се изградбата на нова енергетски ефикасна фасада во ООУ „Кирил и Методиј“, подготовките за изградба на нови спортски сали во ООУ „Коле Неделковски“ и ООУ „Гоце Делчев“, како и тековните санации во ООУ „Димитар Миладинов“, со што се потврдува континуираната грижа за подобрување на условите во училиштата и градинките.