МТМ НЕТ

Градоначалникот на Општина Центар, Горан Герасимовски, информираше дека во рамките на летните активности се спроведуваат засилени акциски чистења на јавните површини, со особен фокус на фреквентните локации и угостителските реони како Дебар Маало и Буњаковец, каде се чисти просторот околу контејнерите.

Паралелно со комуналното уредување, теренските служби работат на косење на зелените површини во училишните дворови и на други јавни локации.

Во текот на акциските собирања на кабаст отпад, големи количини отпад се отстранети од просторот кај поранешното КТК, на улицата „Елисие Поповски“, како и во реонот околу Француската резиденција.

Градоначалникот Герасимовски упати апел до граѓаните за максимално одговорно однесување во услови на високи температури, потсетувајќи дека зачувувањето на хигиената и чистотата во општина Центар е заедничка грижа на сите.

Фото извор: https://www.facebook.com/gerasimovskig