МТМ НЕТ

Од 3 до 6 септември 2026 година, во Тирана, Драч и Корча ќе се одржи манифестацијата „Македонска културна недела во Албанија“, во организација на Културно-информативниот центар на Република Македонија во Тирана.

Преку концерти, изложби, фолклорни и драмски настапи, како и дегустации на македонски производи, настанот има за цел да ги претстави македонската култура, уметност и традиција пред албанската публика.

На програмата се застапени концерти на оркестарот „Ајга“ и ансамблот „Кон Темпора“ под диригентство на маестро Иван Еминовиќ, фолклорните друштва „Еуро Арт Академија“ и она од Мала Преспа, квартетот „Мевлем“, како и монодрамата „Меѓникот“ во изведба на Доне Донев.

Програмата содржи и изложба на фотографии од Преспа од Пали Колефски, музички настапи на Кристијан Ѓорѓи, ДЈ сетови на DJ Pass-N-G-R и DJ Spiro, како и промоција на македонски вина и ракија од винариите „Бовин“ и „Тиквеш“ и македонско пиво.

Културната недела се реализира со поддршка од Министерството за култура и туризам на Македонија, Амбасадата на Македонија во Албанија и Министерството за туризам, култура и спорт на Албанија.

Дополнителната финансиска поддршка од албанска страна е остварена како резултат на ангажманот на директорката на КИЦ Тирана, Ема Попивода, и континуираната соработка со нивните културни институции.

Фото извор: https://kultura.gov.mk/