МТМ НЕТ

Љубителите на ликовната уметност утре ќе имаат можност да ја посетат изложбата „МОТУС АРТ 2026“, која ќе биде отворена во Изложбениот салон на НУЦК „Трајко Прокопиев“ во Куманово, со почеток во 19 часот.

На изложбата ќе бидат прикажани околу 30 ликовни дела создадени од 12 македонски автори.

Посетителите ќе можат да видат творби работени во различни техники, меѓу кои масло и акрил на платно, како и акварел.

Разновидните стилови и индивидуални уметнички пристапи ја сочинуваат концепциската целина на изложбата, која е насочена кон промоција на современото македонско ликовно творештво и поголема афирмација на домашните автори.

Настанот е прва групна ликовна изложба што ја организира Здружението за промоција на интелектуални, мултикултурни и спортски вредности МОТУС. Проектот е поддржан од Општина Куманово преку Годишната програма за култура.

Фото извор: https://kultura.gov.mk/