МТМ НЕТ

Самостојната изложба на фотографии ќе биде отворена вечерва, 10 септември, со почеток во 20 часот, во рамки на Факултетот за ликовни уметности.

Поставката опфаќа околу педесет фотографии создадени во периодот од 2006 до 2024 година, како резултат на долгогодишен процес на истражување, размислување и авторско обликување.

Преку фотографиите, Блажев се навраќа на темите поврзани со меморијата, имагинацијата и начинот на кој времето остава траги.

Наместо класично хронолошко прикажување на минатото, изложбата отвора простор меѓу реалните случувања, личните сеќавања и она што со текот на времето можеби сме го надградиле во сопствената имагинација.

Посебен дел од концептот претставуваат личните фотографии на ќерката на авторот, преку кои е забележан нејзиниот пат од детството до созревањето.

Фотографиите се поставени без хронолошки редослед, имиња и датуми, оставајќи му на посетителот слободен простор самиот да ги поврзе фрагментите и приказните.

Изложбата ќе биде достапна за посетителите до 22 септември 2026 година, а е реализирана со поддршка од Министерството за култура и туризам, во рамки на Годишната програма за 2026 година.

Фото извор: https://kultura.gov.mk/