МТМ НЕТ

Свеченоста се одржа во Хрватскиот државен архив, во организација на Амбасадата на Македонија во Хрватска и Македонскиот културно-информативен центар во Загреб.

Присутните имаа можност да проследат концерт на хорот „ПРО АРС“, со кој диригираше Сашо Татарчевски, а во рамките на програмата беше отворена и изложбата „Архивските документи – столб на македонскиот идентитет“, подготвена од Државниот архив на Македонија.

Домаќин на настанот беше директорката на Македонскиот КИЦ во Загреб, Мими Ѓоргоска-Илиевска.

На свеченоста присуствуваше и македонскиот амбасадор во Хрватска, Драган Ѓурчевски, заедно со претставници на хрватски и македонски институции, дипломатскиот кор и македонската заедница во Хрватска.

Одбележувањето на јубилејот продолжува и во текот на месецот, со повеќе културни содржини и настани што ќе се реализираат во Загреб и во други делови на Хрватска.

Фото извор: https://kultura.gov.mk/