Чадот од пожарите содржи ситни честички PM₂.₅ и PM₁₀, како и други штетни гасови кои можат да предизвикаат проблеми со дишењето и да влијаат врз срцето и крвните садови. Загадениот воздух може да се пренесува и на големи растојанија.

Особено внимателни треба да бидат децата, бремените жени, повозрасните и лицата со хронични белодробни и срцеви заболувања.

Како да се заштитите:

Ограничете го престојот на отворено и избегнувајте физички напор кога има чад.

Држете ги прозорците и вратите затворени.

Климатизацијата поставете ја на рециркулација.

Ако имате можност, користете прочистувач со HEPA-филтер.

Во автомобил држете ги прозорците затворени и користете рециркулација.

Ако мора да излезете, N95 или FFP2 маска може да ја намали изложеноста на ситните честички.

Не пушете и не создавајте дополнителен чад во домот.

Следете ги информациите и препораките на надлежните институции и веднаш евакуирајте се доколку тоа е наредено.

При отежнато дишење, болка или стегање во градите, нарушување на свеста или нагло влошување на здравствената состојба, веднаш побарајте медицинска помош.