МТМ НЕТ

Полициски службеници од ОВР Кочани и ОВР Виница ги лишиле од слобода В.З. (26) и Д.С. (43), двајцата од Кочани, поради сомнение дека извршиле повеќе кривични дела.

Според МВР, двајцата во текот на август и септември оваа година делувале на подрачјата на Кочани, Виница, Делчево, Македонска Каменица и Пробиштип. Тие се сомничат за седум тешки кражби во станбени и деловни објекти, три тешки кражби во обид во објекти и патнички возила, како и едно кривично дело „спречување на докажување“, за кое се сомничи В.З.

По судска наредба биле извршени претреси во нивните домови, при што биле пронајдени и одземени предмети за кои постои сомнение дека потекнуваат од кражбите.

По целосното документирање на случаите, против двајцата ќе биде поднесена соодветна пријава.