МТМ НЕТ

Детското игралиште во населбата Жданец доби нов изглед по спроведената реконструкција, со која просторот е направен поуреден, пофункционален и побезбеден за најмладите.

Во рамки на обновата беа заменети оштетените реквизити, поставени се нови седишта на клацкалките и нова мрежа на кошот, а дотраените дрвени елементи на клупите се заменети со нови.

Од Општина Карпош посочуваат дека продолжуваат активностите за реконструкција и уредување на детските игралишта и урбаната опрема, со цел создавање поквалитетни јавни простори за децата и останатите жители.

Општината воедно апелира до граѓаните одговорно да ја користат и чуваат поставената опрема, бидејќи уредените јавни површини се заедничко добро и нивното зачувување е обврска на целата заедница.

Фото извор: https://www.facebook.com/OpstinaKarpos