МТМ НЕТ

Министерот за правда, Јетон Шасивари, оствари работна средба со вицегувернерот на Банката за развој на Советот на Европа (ЦЕБ), Томаш Бочек, на која во фокус беа тековните активности за реализација на капиталниот проект „Реконструкција на казнено-поправните установи во Република Македонија“.

Проектот, кој се реализира со значаен заем од ЦЕБ во износ од 46 милиони евра, има за цел суштинско унапредување на условите во затворите и обезбедување современи стандарди за сместување, здравствена заштита, хигиена, како и подобрување на условите за работни и слободни активности на осудените и притворените лица, целосно согласно европските норми и пракси.

За време на разговорите беше констатирано дека активностите во тек на 2026 година се одвиваат согласно предвидената динамика.

Посебно беше истакнато дека во јули 2026 година е склучен договорот за стручен надзор над изградбата, додека постапката за избор на изведувач за реализација на предвидените градежни објекти е во тек.

Министерството за правда останува цврсто посветено на реформите во системот за извршување на санкциите, насочени кон создавање хумани, безбедни и европски услови во казнено-поправните установи ширум државата.

Фото извор: https://www.pravda.gov.mk/