МТМ НЕТ

Општина Илинден ја заврши изградбата на асфалтниот коловоз на улицата „6“ во локалната економска зона „Стопански комплекс – Илинден“, како дел од активностите за унапредување на инфраструктурата во стопанските зони.

Извршениот зафат опфаќа улица со должина од околу 450 метри и широчина на коловозот од шест метри.

Во увид на градежните работи беше и градоначалникот Александар Георгиевски, кој посочи дека оваа сообраќајница има значајна улога во поврзувањето на компаниите што работат во зоната.

Според Општината, новата улица ќе овозможи полесен пристап до деловните капацитети, побезбедно одвивање на сообраќајот и поефикасно функционирање на стопанските субјекти.

Со оваа инвестиција, Општина Илинден продолжува да вложува во развојот на локалната патна инфраструктура, со цел создавање подобри услови за работа на компаниите и поттикнување на економскиот развој.