МТМ НЕТ

Општина Илинден започна целосна реконструкција на улицата „9“ во населба Илинден, во должина од околу 1.100 метри. Проектот опфаќа нов коловоз, тротоари од двете страни и подобрување на сообраќајната безбедност.

Паралелно се обновува и водоводната мрежа во должина од 1.200 метри, со што ќе се обезбеди поквалитетно и посигурно водоснабдување и ќе се решат долгогодишните проблеми со притисокот на водата.

Градоначалникот Александар Георгиевски истакна дека станува збор за значаен инфраструктурен проект, бидејќи улицата претставува важна сообраќајна врска и води до повеќе јавни институции во општината.