МТМ НЕТ

Во Ново Лисиче, спроти паркот „Авионче“ и околу спортскиот терен „Никола Христовски – Кољо“, се поставува нов систем за полевање на зелените површини.

Системот ќе биде долг околу 2,5 километри и ќе опфаќа повеќе од 300 прскалки, со што треба да се овозможи редовно, рамномерно и поефикасно полевање и одржување на тревниците и зеленилото.

Во текот на денот увид во активностите изврши градоначалникот на Општина Аеродром, Дејан Митески.

Од општината посочуваат дека станува збор за простор кој секојдневно го користат голем број жители, меѓу кои деца, родители и рекреативци, а во негова близина се наоѓа и детско игралиште.