Високите температури можат значително да влијаат врз квалитетот на сонот, па во периодите на топло време се препорачува преземање неколку едноставни мерки за полесно заспивање и поквалитетен одмор.

Спалната соба треба да се одржува пријатно разладена, на температура од околу 25 степени Целзиусови. Проветрувањето најдобро е да се прави кога надворешниот воздух е посвеж, а при отворање на прозорците се препорачува употреба на соодветна заштита од инсекти и други животни.

За спиење се препорачува користење тенка постелнина и лесна, широка облека изработена од природни материјали. Просторијата треба да биде затемнета и што е можно потивка, а особено важно е да се одржува редовен ритам на спиење.

Во текот на денот треба да се внесува доволно течност за одржување на соодветна хидратација. Навечер треба да се избегнуваат обилни оброци во период од 2 до 4 часа пред спиење, да се ограничи внесот на алкохол, а кофеинот да се избегнува најмалку **6 часа пред легнување.

Овие едноставни мерки можат да помогнат организмот полесно да се приспособи на високите температури и да се обезбеди поквалитетен и помирен сон во текот на топлите ноќи.