МТМ НЕТ

Со одлична атмосфера, голем број учесници и спортски возбудувања беше одбележано јубилејното издание на спортската манифестација Охрид Трчат, која и оваа година ги собра љубителите на трчањето во Охрид.

Во главната трка на 21 километар во машка конкуренција, победата ја освои Дарио Иваноски со време од 1 час, 10 минути и 46 секунди, додека кај жените најбрза беше Греса Бакраци, која патеката ја истрча за 1 час, 31 минута и 35 секунди.

Во тим-билдинг конкуренцијата на полумаратонот, првото место кај мажите му припадна на АК Скопски Маратон со вкупно време од 5:22:38, додека кај жените најдобар резултат оствари тимот AC Atomic со време од 7:29:34.

Во штафетните трки на 21 километар, победници кај мажите беа Korruners & Atomic со резултат 1:26:37, кај жените триумфираше MS_RUN со 1:41:06, а во мешана конкуренција најбрз беше тимот Битола трча со време од 1:29:44.

На трката на 5 километри во машка конкуренција славеше Григоријан Никовски со време од 18 минути и 2 секунди, додека кај жените победничка беше Матеја Ефремовска со резултат од 23 минути и 44 секунди.

Во тим-билдинг категоријата на 5 километри, најдобар машки тим беше РШ Седмерец – Охрид со време од 1:26:47, а кај жените првото место го освои 3 Disciplines со резултат од 1:48:52.

Организаторите им честитаа на победниците и им се заблагодарија на сите учесници кои беа дел од спортскиот викенд, оценувајќи го настанот како уште едно успешно издание исполнето со спортски дух, дружење и позитивна енергија.