МТМ НЕТ

Аква Парк Пробиштип продолжува со својата амбициозна летна програма, најавувајќи еден од најголемите музички настани оваа сезона – концерт на регионалната ѕвезда Ацо Пејовиќ.

Настанот е закажан за 11 јули со почеток во 21:00 часот, а љубителите на добрата музика ќе имаат прилика да уживаат во врвна продукција и незаборавна атмосфера во најголемиот воден комплекс во источниот дел на Македонија.

Пејовиќ, кој важи за еден од најпопуларните изведувачи во регионот, во Пробиштип ќе настапи со својот богат репертоар исполнет со безвременски хитови.

Овој концерт е дел од серијата големи музички гостувања кои го етаблираа овој воден парк како една од најатрактивните летни дестинации, која привлекува публика од целата држава и соседните земји.

Заинтересираните посетители можат да обезбедат влезници во претпродажба по цена од 1.200 денари, додека на самиот ден на концертот цената ќе изнесува 1.300 денари.

За оние кои сакаат поексклузивно искуство, достапни се и ВИП влезници по цена од 1.500 денари.

Билетите се веќе пуштени во продажба преку платформата kupikarta.com, преку нивната продажна мрежа низ целата држава, како и директно на билетарата во Аква Парк Пробиштип.

Сите информации околу концертот и дополнителни резервации можат да се добијат преку телефонскиот број 077 754 024.

Организаторите најавуваат вечер исполнета со позитивна енергија и врвно музичко доживување кое ќе биде заокружување на една од најубавите летни приказни во регионот.