МТМ НЕТ

Македонскиот пејач Стефан Величковски ја претстави својата нова песна „Имам се“ – емотивна поп балада која носи силна порака за безусловната родителска љубов и поддршка.

Песната е создадена како уникатен роденденски подарок за нивната ќерка Зорана Величковска. Текстот го напишала неговата сопруга Ана Николовска Величковски, додека Стефан Величковски со својата интерпретација ја пренесува пораката дека за секое дете семејството секогаш останува најсигурното засолниште.

Аранжманот е дело на Иле Спасев, а видеоспотот го реализирал Драган Ристевски. Во главната улога се појавува малата Зорана, која е и инспирација за песната.

„Имам се“ веќе привлекува внимание кај публиката со својата искреност, силна емоција и универзална порака за љубовта што родителите безрезервно им ја даваат на своите деца.