МТМ НЕТ

Неполни два дена остануваат до големиот концерт на Јован Јованов и Елвир Мекиќ, кој ќе се одржи на 6 јуни во арената „Борис Трајковски“ во Скопје.

Подготовките за музичкиот спектакл се во завршна фаза, а Јован и Елвир ги одржуваат последните проби заедно со бендот, танчарите и специјалните гости.

На сцената, покрај домаќините, ќе настапат и Слаѓа Делибашиќ, Ѓус, Тони Зен, Адријан Гаџа, Маја Саздановска, Пајак и Врчак, кои ќе ги изведат своите најпознати хитови и ќе ја разбудат носталгијата кај публиката.

Концертот е замислен како „сензација во бело“, па организаторите ги повикуваат посетителите да облечат барем бела маичка или кошула и да бидат дел од уникатната атмосфера која, според најавите, ќе понуди нешто досега невидено на концертната сцена во земјава.