МТМ НЕТ

Летниот период во регионот најверојатно ќе биде обележан со повисоки температури од вообичаеното и почести топлотни бранови, покажуваат сезонските метеоролошки анализи.

Според актуелните климатски модели, јужна и југоисточна Европа ќе бидат меѓу областите кои ќе почувствуваат најизразени температурни отстапувања од просекот.

Очекувањата се дека жешките периоди ќе бидат поинтензивни и подолготрајни, со температури кои во повеќе наврати би можеле да надминат 35 степени, а локално и повисоки вредности. Ноќните температури исто така се предвидува да останат повисоки, што ќе го намали природното разладување.

Покрај високите температури, прогнозите укажуваат и на можност за посуви услови во текот на летото, што може да придонесе за појава на сушни периоди и зголемен ризик од пожари во одредени региони.

Метеоролозите ваквите услови ги поврзуваат со пошироки климатски промени, зголемени температури на океаните и атмосферски блокади кои овозможуваат задржување на топлиот воздух над континентот подолг период.