МТМ НЕТ

Во ООУ „Војдан Чернодрински“ беше реализирана психолошка креативна работилница „Мојот внатрешен чувар“, наменета за учениците од II-б одделение.

Преку приказната за ежето Боцко, активноста „Семафор за сигурност“ и практични вежби, учениците разговараа за стравот и вознемиреноста, но и за начините на кои можат да се смират, да побараат помош и да донесат безбедна одлука.

Посебно внимание беше посветено на креативниот дел, во кој учениците изработија свои „Картички за храброст“, со кои ги претставија знаците на вознемиреност, техниките што им помагаат да се смират и луѓето на кои можат да им се обратат за поддршка.

Работилницата ја реализираше училишниот психолог Наталија Наумовска Велковска, со цел преку интерактивен пристап да се поттикнат емоционалната писменост, самодовербата, чувството на сигурност и социјално-емоционалните вештини кај најмладите.

Фото извор: https://www.facebook.com/OpstinaKarpos