МТМ НЕТ

Во училиштето денеска се одржа свеченост по повод успехот на учениците од 4-а одделение, кои освоија престижно признание на Меѓународниот училишен натпревар за воздушен и вселенски сообраќај 2026 во Берлин.

Под менторство на наставниците Ирена Грегориќ и Стефан Симовски, учениците го реализираа проектот „Нашето патување на Јупитер“, со кој ја претставија својата креативност, знаење и интерес за науката пред учесници од меѓународната образовна заедница.

На свеченоста присуствуваа градоначалникот на Општина Карпош, Сотир Лукровски, и директорот на Агенцијата за цивилно воздухопловство, Драги Стојаноски, кој им ги додели пофалниците на учениците за нивниот успех.

Лукровски упати честитки до учениците и нивните ментори, истакнувајќи дека ваквите резултати се потврда дека со знаење, посветеност и поддршка младите можат да постигнуваат значајни резултати и надвор од границите на земјата.

Успехот на учениците претставува дополнителен поттик за развивање на нивниот интерес кон науката и истражувањето, но и убав пример дека талентот на најмладите може успешно да биде препознаен и на меѓународната сцена.

Фото извор: https://www.facebook.com/OpstinaKarpos