МТМ НЕТ

Ново улично осветлување е поставено во Бардовци, како дел од инфраструктурните активности што ги реализира Општина Карпош за подобрување на условите во оваа населба.

На улиците „5“, „6“ и „7“ се поставени 38 нови светилки со моќност од 35 вати, додека на улицата „1687“ се инсталирани уште 11 светилки со истата моќност.

Од Општина Карпош посочуваат дека современото осветлување ќе придонесе за подобра видливост на јавните површини и поголема безбедност за жителите, а истовремено ќе овозможи и поефикасна потрошувачка на електрична енергија.

Општината најавува продолжување на инфраструктурните инвестиции насочени кон модернизација на комуналната мрежа и подобрување на условите за живот во населените места на Карпош.

Фото извор: https://www.facebook.com/OpstinaKarpos