МТМ НЕТ

Градоначалникот на Општина Карпош, Сотир Лукровски, организираше прием за тројцата општински стипендисти кои успешно ја претставуваа Македонија на 30. Јуниорска балканска математичка олимпијада (JBMO 2026), што се одржа во Бузау, Романија.

Дарјан Мирчевски, ученик од ООУ „Вера Циривири-Трена“, освои бронзен медал и го забележа најдобриот резултат меѓу членовите на македонската репрезентација.

Калина Тортевска од ООУ „Јан Амос Коменски“ беше наградена со пофалница, додека Андреа Јовановска од ООУ „Петар Поп Арсов“ даде значаен придонес во настапот на националниот тим.

На средбата беше истакнато дека успесите на младите математичари се доказ за нивната посветеност, знаење и талент, но и потврда за квалитетот на образовниот процес и поддршката што ја добиваат.

Од Општина Карпош порачаа дека и во иднина ќе продолжат да инвестираат во образованието и развојот на младите таленти, со цел да создадат уште повеќе можности за нивно напредување и меѓународни успеси.

Фото извор: https://www.facebook.com/OpstinaKarpos