МТМ НЕТ

ЈП „Водовод и канализација“ – Скопје на 9 септември извршило мониторинг на квалитетот и безбедноста на водата за пиење.

Од водоводната мрежа во Скопје биле земени 46 примероци, од кои пет од бунарскиот потег Нерези–Лепенец. Примероците се испитуваат преку физичко-хемиски и микробиолошки анализи во акредитирани лаборатории.

Од „Водовод и канализација“ информираат дека сите испитани примероци од водоснабдителниот систем на Скопје одговараат на Правилникот за барањата за безбедност и квалитет на водата за пиење.

Мониторингот се спроведува согласно важечките стандарди и пропишаните методи за земање и анализа на примероци.