МТМ НЕТ

Нова мини библиотека е поставена во паркот во Ѓорче Петров, во близина на фонтаната, каде граѓаните бесплатно ќе можат да позајмат книга, да ја прочитаат и да ја вратат за следниот читател.

Иницијативата има едноставна порака – земи книга, прочитај, врати.

Мини библиотеката е донација од издавачката куќа „Сакам Книги“, во рамки на иницијативата „Со љубов, од Европа“, а Ѓорче Петров е една од петте локации во Скопје каде што е поставена ваква библиотека.

Од Општина Ѓорче Петров апелираат граѓаните заеднички да ја чуваат библиотеката и редовно да ги враќаат книгите, со што фондот ќе може да се збогатува со нови наслови.