МТМ НЕТ

Нови училишни униформи добија учениците од основните училишта во Општина Гази Баба, како дел од практиката што општината ја спроведува трета година по ред.

Градоначалникот Бобан Стефковски денеска ја посети ООУ „Стив Наумов“, каде што на учениците им беа поделени униформите.

Тие се обезбедени без финансиски надомест за сите ученици на територијата на општината.

Мерката беше воведена во 2023 година со цел да се поттикнат еднаквоста и чувството на припадност кај учениците, без разлика на нивната семејна или материјална состојба.

Од општината посочуваат дека вложувањето во образованието останува меѓу приоритетите, со најави за продолжување на инвестициите во училиштата, подобрување на условите за настава и реализација на нови проекти наменети за учениците.

Со продолжувањето на оваа иницијатива, она што започна како нова мерка пред три години прерасна во практика која има цел да обезбеди еднакви услови и можности за сите деца.

Фото извор: https://www.facebook.com/opstinagazibaba