МТМ НЕТ

Амбасадорот на Република Косово, д-р Флориан Ќехаја, денеска беше во посета на Општина Бутел, при што го посети и основното училиште „Лиман Каба“.

Средбата беше можност за разговор за продолжување на успешната соработка и отворање нови перспективи во повеќе области, меѓу кои образованието, локалниот развој, инфраструктурата, економијата, културата и младите.

Од Општина Бутел посочуваат дека досегашното партнерство со косовските општини веќе донело конкретни резултати, вклучително и проекти поддржани од Европската Унија во областа на заштитата на животната средина и управувањето со отпадот.

Градоначалникот Дарко Костовски нагласува дека со отворен дијалог и нови партнерства ќе продолжат активностите за реализација на проекти што ќе носат директна корист за граѓаните.

Фото извор: https://www.facebook.com/darkokostovskizabutel