МТМ НЕТ

Бројот на работниците во индустријата во јуни 2026 година е намален за 2,3 проценти во споредба со истиот месец лани, покажуваат најновите податоци на Државниот завод за статистика (ДЗС).

Најголемо намалување е забележано во секторот Рударство и вадење камен, каде бројот на работниците е помал за 7,7 проценти. Во Преработувачката индустрија е регистриран пад од 2,1 процент, додека во секторот Снабдување со електрична енергија, гас, пареа и климатизација е евидентиран благ раст од 0,2 проценти.

Според главните индустриски групи, бројот на работниците е намален во:

Енергија – за 2,4 проценти;

Капитални производи – за 1,8 проценти;

Интермедијарни производи (освен енергија) – за 2,4 проценти;

Нетрајни производи за широка потрошувачка – за 3,5 проценти;

Трајни производи за широка потрошувачка – за 1,7 проценти.

ДЗС наведува дека на годишно ниво, односно во периодот јануари – јуни 2026 година, бројот на работниците во индустријата е намален за 2,9 проценти во однос на истиот период во 2025 година.