МТМ НЕТ

Македонскиот банковен систем бележи стабилен и висок годишен раст во сите клучни финансиски категории, покажуваат најновите податоци за движењата кај депозитите и кредитите.

Вкупните депозити на годишно ниво бележат солиден раст од 9,9%, при што позитивен тренд е забележан кај двата клучни сектори, со особено голем придонес и учество на секторот „домаќинства“, што укажува на задржување на довербата во домашниот банкарски систем и продолжување на трендот на штедење.

Истовремено, уште поизразен раст е регистриран кај кредитирањето, каде вкупните кредити на годишна основа бележат зголемување од 13,1%.

Овој пораст е резултат на зголеменото кредитирање на двата сектора, при што овој пат поизразен придонес имаат кредитите одобрени на корпоративниот сектор, што поттикнува поголема економска активност и инвестиции во стопанството.