МТМ НЕТ

Општина Аеродром продолжува со реализацијата на проектите за спорт, рекреација и активен живот, информирајќи дека е поставена првата од вкупно петте нови фитнес зони планирани за оваа година.

Новата содржина е поставена во паркот „Патрик“.

Во рамките на овие активности, од локалната самоуправа најавуваат дека во следниот период нови фитнес зони ќе добијат и населбите Острово, Ново Лисиче, како и локациите на „Тодор Чангов“ и Долно Лисиче.

Со овие зафати, општината продолжува да креира услови за поголема физичка активност и поздрави навики за сите генерации.