МТМ НЕТ

Вселенското летало „Орион“ од мисијата Artemis II изврши кратко активирање на потисните мотори во траење од 9 секунди, при што беше постигната промена на брзината од 5,3 стапки во секунда, со што екипажот е насочен кон Земјата и моментално се наоѓа на повеќе од половина пат од враќањето, брифираат од НАСА.

Неколку часа пред маневрот, беше забележано краткотрајно губење на сигналот за комуникација поради промена на брзината на пренос на податоци, што накратко влијаеше врз преносот на телеметрија од леталото кон Земјата, додаваат оттаму.

Сепак, комуникацијата брзо била повторно воспоставена, по што контролата на мисијата продолжила со подготовките за следните операции.

Од NASA информираат дека денеска бил одржан и брифинг за текот на мисијата, на кој биле презентирани дополнителни детали за процедурите за повторно влегување во атмосферата и слетувањето.

Следниот корективен маневар на траекторијата е закажан за 10 април во 13:53 часот, пред финалните подготовки за влез во атмосферата.

Според планот на NASA, капсулата треба да се спушти во 20:07 часот по локално време (5:07 часот по пацифичко време), во водите крај брегот на Сан Диего.

фото: NASA