МТМ НЕТ

Во Венецуела продолжуваат спасувачките операции по катастрофалните земјотреси со јачина од 7,2 и 7,5 степени, кои ја погодија северната дел од земјата во средата и предизвикаа огромни човечки и материјални загуби.

Според најновите официјални податоци, бројот на загинати се искачи на најмалку 920 лица, додека над 3.300 се повредени, а десетици илјади лица сè уште се водат како исчезнати или не се достапни за контакт.

Најголеми штети се пријавени во крајбрежниот регион Ла Гуаира и во делови од главниот град Каракас, каде се урнати станбени згради, оштетена е критична инфраструктура, а илјадници луѓе останаа без дом.

Меѓународната заедница реагираше со испраќање спасувачки тимови, медицинска опрема и хуманитарна помош. Во акцијата се вклучени повеќе држави и организации, додека спасувачките служби и локалното население продолжуваат со извлекување преживеани од урнатините.

Во меѓувреме, регионот и понатаму е погоден од последователни потреси, што дополнително ја отежнува работата на спасувачките екипи и ја зголемува загриженоста за нови штети и жртви.

Властите предупредуваат дека конечниот биланс на жртви сè уште не е познат и дека бројките би можеле дополнително да растат во наредните денови, додека траат операциите за пребарување и спасување.