МТМ НЕТ

Бројот на Палестинки во израелските затвори се искачи на 95, меѓу кои има три малолетни девојчиња и три бремени жени, соопшти Палестинското здружение на затвореници.

Според организацијата, во последните недели е забележан пораст на апсењата на жени на Западниот Брег, вклучително и студентки од Универзитетот „Бирзеит“ и членови на семејства на затвореници.

Од здружението предупредуваат на сериозно влошување на условите во затворите, наведувајќи случаи на физичко и психолошко малтретирање, долготрајна изолација, понижувачки третман и наводни сексуални злоупотреби.

Дополнително, притвореничките и притворениците се соочуваат со недостиг од храна и ограничен пристап до здравствена заштита. Според сведоштва на ослободени затвореници, многумина претрпеле значително губење на телесната тежина поради лошите услови.

Палестинското здружение на затвореници наведува дека забраната за семејни посети и ограничената комуникација со најблиските дополнително ја влошуваат психолошката состојба на притворените лица, особено кај мајките и малолетниците.