МТМ НЕТ

Најмалку 16 лица се повредени во пукање во средно училиште во градот Сиверек, во провинцијата Шанлиурфа, југоисточна Турција.

Според првичните информации, поранешен ученик влегол во училишниот објект и отворил оган со огнено оружје, при што повредил ученици, наставници, полициски службеник и вработен во училишната менза.

По брза интервенција на безбедносните сили, напаѓачот бил опколен, по што си го одзел животот.

Засега не се познати мотивите за нападот, а турските власти спроведуваат истрага.