МТМ НЕТ

Словенија е погодена од силно невреме со силни налети на ветер, кои во некои региони достигнаа над 100 км/ч, информираат официјалните служби и регионалните медиуми.

Поради невремето, биле извршени над 300 интервенции на пожарникари, а илјадници домаќинства привремено останале без електрична енергија. Силниот ветер предизвикал и пад на дрвја на коловозите, поради што неколку патишта биле затворени или ограничени за сообраќај.

Надлежните служби и цивилната заштита издадоа официјални предупредувања до граѓаните да останат во затворен простор, да се бидат подалеку од дрвја и далноводи и да ја следат поставената сигнализација. Во некои општини беа затворени училишта и градинки, а јавноста е повикана да избегнува движење на отворено.

Словенечката агенција за животна средина (ARSO) потврдува дека во јужниот и западниот дел на земјата продолжува опасноста од налети на силен ветер, кој може да предизвика оштетувања на објекти и инфраструктура, како и загрозување на безбедноста на граѓаните.