МТМ НЕТ

Денеска во Белград започна повторената кривична постапка против родителите на К.К., момчето кое во мај 2023 година изврши масовно убиство во основното училиште „Владислав Рибникар“.

Судењето се однесува на небрежно чување оружје и пропуштање мерки што му овозможиле на малолетникот да дојде до оружјето.

Претходната пресуда против родителите беше укината од Апелацискиот суд поради процедурни недостатоци, а денешното рочиште се одржува пред Вишиот суд и е затворено за јавност, со цел заштита на малолетници и приватноста на оштетените.

Според српскиот закон, самиот малолетник нема кривична одговорност, бидејќи имал 13 години во моментот на злосторството, па правната постапка се води исклучиво против неговите родители.