МТМ НЕТ

На само еден месец пред еден од најзначајните концерти оваа сезона, Јован Јованов и Елвир Мекиќ интензивно се подготвуваат за настапот закажан на 6 јуни во арената „Борис Трајковски“. Публиката ја очекува вечер исполнета со нивните најголеми хитови, силни емоции и модерна сценска продукција.

Двајцата артисти, кои оставија силен белег на домашната музичка сцена, најавија и богата листа на гости што ќе им се придружат. На сцената ќе настапат Пајак, Тони Зен, Маја Саздановска и Адријан Гаџа, како и регионалните имиња Слаѓа Делибашиќ и Џус. Дополнително, најавен е и специјален гостин чие сценско име започнува со буквата В, што дополнително ја зголемува неизвесноста и интересот.

Интересот за концертот е огромен, а билетите веќе се при крај и може да се набават преку MKTickets. Организаторите најавуваат уникатен концепт под мотото „Сензација во бело“, со апел до посетителите да се придржуваат до дрес-кодот и да дојдат облечени во бело за да се создаде посебна атмосфера.

Овој настан ветува да обедини различни генерации – од оние кои со носталгија ќе се потсетат на минатите времиња, до младите кои нивните песни ги оживуваат на социјалните мрежи. Концертот најавува вечер за паметење, наменета за целата публика.