МТМ НЕТ

Македонската музичка сцена доби нова музичка свежина со објавата на ремикс и видеоспот за еден од препознатливите хитови „Чукај, срце“, во изведба на легендарната пејачка Благица Павловска и поп-ѕвездата Антониа Гиговска.

Станува збор за модерна преработка на добро познатата песна „Чукај, срце“, која во новата верзија добива современ аранжман, посилен ритам и визуелно освежен видеоспот, наменет да ја доближи класиката до помладата публика.

Проектот претставува интересен спој на две различни музички генерации – искуството и препознатливиот фолк израз на Павловска и модерниот поп звук на Гиговска. Токму оваа комбинација веќе предизвикува силни реакции на социјалните мрежи, каде делови од спотот масовно се споделуваат.

Видеопродукцијата носи динамична и емотивна приказна, со акцент на енергијата на дуетот и новата интерпретација на песната, која со години важи за една од омилените кај домашната публика.

Новата верзија на „Чукај, срце“ се очекува да стане еден од најкоментираните музички проекти во периодот, токму поради неочекуваната, но впечатлива соработка меѓу две различни музички епохи.