МТМ НЕТ

Фестивалот „Охридско лето“ понуди уште една музичка вечер исполнета со духовност, вокална хармонија и безвременска убавина.

Во волшебниот амбиент на црквата „Света Софија“ настапи ренесансниот хор „Готик војсис“ од Велика Британија, кој пред фестивалската публика изведе дела од средновековната музика.

Фото: @therealmagarko

Со својата префинета вокална интерпретација и автентичен музички израз, британскиот ансамбл создаде впечатлива атмосфера во еден од најзначајните културно-историски простори во Охрид.

Концертот беше дел од 66. издание на Фестивалот „Охридско лето“, а публиката имаше можност да ужива во уникатно музичко доживување во амбиентот на „Света Софија“.

Фестивалот продолжува да ја збогатува летната културна понуда во Охрид, со настапи на реномирани уметници и ансамбли од земјата и странство.