Кисела Вода ја започнува новата спортска сезона со обезбедени услови за клубовите
- Детали
- Категорија: Кисела Вода
- Создадено: 07 Септември 2026
Градоначалничката Бети Стаменкоска Трајкоска информираше дека со договорите се регулираат условите за работа на клубовите, распоредот на тренинзите, како и организацијата и одржувањето на натпреварите во текот на викендите.
Во новата сезона Општина Кисела Вода продолжува соработката со десет спортски клубови од различни дисциплини, меѓу кои ракометни, кошаркарски и одбојкарски клубови.
Од Општината посочуваат дека навременото усогласување на термините и потребите на клубовите има цел да овозможи непречено одвивање на тренажниот процес и натпреварите во текот на целата сезона.
Стаменкоска Трајкоска нагласува дека спортските сали не се само места за тренинг и натпревари, туку и простор во кој младите ги развиваат дисциплината, тимскиот дух и спортскиот талент.
Општината најавува продолжување на поддршката за локалните спортски клубови, со фокус на создавање подобри услови за спортистите и поголеми можности за младите да бидат активни во спортот.
Фото извор: https://www.facebook.com/betistamenkoska
Забрането копирање на авторска содржина без претходна писмена потврда од МТМ НЕТ ДООЕЛ. Доколку сметате дека вашето авторско право е прекршено ве молиме да не контактирате на mtm.net@yahoo.com
Можеби ќе ве интересира:
Сите статии објавени на МТМ.НЕТ.мк се во согласност со ИАБ етичкиот кодекс
