МТМ НЕТ

Во ООУ „Партенија Зографски“ е обновена информатичката опрема со набавка на лаптопи, паметни панели, таблети и гигабитни рутери, со што е овозможено подобро интернет покривање во училиштето.

Покрај дигиталната опрема, обновен е и училишниот мебел. Нови клупи и столчиња се поставени во одделенска настава, а дополнително се опремени и училниците за предметна настава.

Обезбедени се и шкафчиња за наставниот и техничкиот персонал.

Во ООУ „Кирил Пејчиновиќ“ исто така се реализирани повеќе активности за подобрување на условите.

Набавени се 150 столчиња, 75 клупи, катедри, телевизори и бели табли, а дополнително се реконструирани и освежени со боја околу 7.500 квадратни метри ѕидни површини во училниците и ходниците.

Од Општина Кисела Вода информираат дека за најмладите ученици е обезбедено ранче со училишен прибор за секое прваче, додека сите ученици ќе добијат и униформи.

Градоначалничката Бети Стаменкоска Трајкоска посочува дека вложувањата во образовната инфраструктура продолжуваат со цел учениците и наставниците да добијат современи и функционални услови за учење и работа.

Фото извор: https://www.facebook.com/betistamenkoska